30 дек 11:05
Янгиликлар
Бокс/ММА
Наоя Иноуэнинг промоутери мижозининг 2024 йилда кимлар билан жанг қилишини айтди. Рақиблар орасида Муроджон Аҳмадалиев ҳам бор
Биринчи ярим енгил вазн тоифасида WBC, WBO, WBA ва IBF камарлари соҳиби, япониялик боксчи Наоя Иноуэнинг промоутери Ҳидеюки Оҳаши мижозининг 2024 йилдаги режалари билан ўртоқлашди.
"Иноуэнинг кейинги жанги учун каттароқ арена керак, мен бу борада Саудия Арабистони ҳақида ўйлаяпман. "Tokyo Dome" аренаси ҳам яхши вариант", - деди жаноб Оҳаши.
Аввалроқ, Наоя Иноуэнинг кейинги жанги 2024 йилнинг май ойида WBС йўналишидаги мажбурий даъвогар Луис Нерига қарши ўтиши ҳақида маълумот берган эдик.
Жаноб Оҳашининг сўзларига кўра, Нери билан жангда ғалаба қозонилган тақдирда, кейинги рақиб WBA йўналишидаги мажбурий даъвогар, ҳамюртимиз Муроджон Аҳмадалиевга қарши ўтади. Жанг сентябрь ойида, Саудия Арабистонида ташкил этилиши кутилмоқда.
Ҳавола :
Манба : boxingscene.com
Фикрлар