02 сен 14:19
Янгиликлар

Шахмат

Нарендра Моди Шавкат Мирзиёевга Жавоҳир Синдаровнинг тарихий бланкасини совға қилди + ФОТО

Ҳиндистон Бош вазири Нарендра Моди Ўзбекистонга расмий ташрифи доирасида Президент Шавкат Мирзиёевга ўзига хос ва тарихий совға топширди.

Бу — ҳамюртимиз гроссмейстер Жавоҳир Синдаровнинг Гоадаги FIDE Жаҳон кубоги-2025 финалида ўз қўли билан ёзган асл партия бланкасидир.

Эслатиб ўтамиз, Жавоҳир ушбу тарихий финалда хитойлик Вей Ини мағлуб этиб, FIDE Жаҳон кубоги тарихидаги энг ёш чемпионга айланган ва Номзодлар турнирига йўлланма олган эди.

Тарихий партия юришлари қайд этилган ушбу қимматбаҳо эсдалик чарм муқовада, Жавоҳирнинг елкасига Ўзбекистон байроғини ёпган ҳолдаги сурати билан бирга тақдим этилди.

Ҳиндистон шахмат федерацияси (AICF) ушбу воқеани икки мамлакат ўртасидаги дўстликни боғловчи ҳақиқий шахмат дипломатияси деб атамоқда.