14 фев 07:21
Янгиликлар
Футбол
“Насаф” жойлашган гуруҳнинг иккинчи ўйинида Хави жамоадошлари иродали ғалабага эришишди
Қаршининг “Насаф” клуби жойлашган С гуруҳининг иккинчи учрашувида меҳмон мақомида ҳаракат қилган жамоа ғалаба қозонди.
Унда БААнинг "Ал Васл" клуби ўз майдонида Қатарнинг "Ал Садд" жамоасини қабул қилди. Гарчи, учрашувдаги ҳисобни мезбонлар очишган бўлсада, бу оқшом уларга ғалаба қозониш насиб этмади.
Ўйиннинг 79 ва 90-дақиқаларида Бағдод Бундежа томонидан киритилган икки гол Хави жамоадошларига меҳмонда қўлга киритилган муҳим ва шу билан бирга иродали ғалабани тақдим этди.
Голларнинг бирига айнан Хави ҳаммуаллифлик қилди. Биринчи турдан сўнг "Насаф" аутсайдер мақомида бўлиб турибди. Энди "аждарлар" 2-турни ўз майдонларида "Ал Васл"га қарши ўтказишади. "Ал Садд" эса ўз уйида "Персеполис"ни қабул қилади.
Ҳавола :
Фикрлар