"Насаф" Сербия жамоасини йирик ҳисобда мағлуб этди

Учрашув давомида "аждарлар" ишончли ва ташаббускор ўйин намойиш этиб, рақиб устидан 3:0 ҳисобида йирик ғалабага эришишди. Ўйинда Аденис Шала дубль қайд этган бўлса, яна битта голга Баҳодир Халилов муаллифлик қилди.

“Насаф” 3:0 "Раднички Ниш"

Голлар: Аденис Шала (19-дақиқа) — 1:0, Баҳодир Халилов (21) — 2:0, Аденис Шала (72) — 3:0

“Насаф”: Абдувоҳид Неъматов, Алибек Давронов, Ғолиб Ғайбуллаев, Муродбек Раҳматов, Аденис Шала, Бобир Абдихолиқов, Шароф Муҳитдинов, Ойбек Рустамов, Баҳодир Халилов, Диёрбек Абдуназаров, Умарбек Эшмуродов.

Захирадан майдонга тушганлар: Қувонч Хушвақтов, Яшнар Бердираҳмонов, Беҳруз Ҳайдаров, Дарвон Усмонов.

"Насаф" Туркиядаги илк назорат учрашувида асосан ёшлар билан майдонга тушган баҳсда Германиянинг регионал лигалари вакили "Звиккау" жамоасига 1:6 ҳисобида имкониятни бой берганди.