07 сен 03:26
Янгиликлар

Бокс/ММА

Нассурдин Имавов UFC Paris турнирининг марказий жангида Кайо Борральодан устун келди

Парижда (Франция) ММА бўйича UFC Fight Night турнири ниҳоясига етди.

Мусобақанинг марказий жангида ўрта вазн тоифасида UFC рейтингида иккинчи ўринни эгаллаб турган франциялик Нассурдин Имавов еттинчи поғонадаги бразил спортчиси Кайо Борраьл билан тўқнаш келди.

5 раундлик асосий жанг тўлиқ давом этди. Ҳакамларнинг якдил қарори билан баҳсда Имавов ғолиб деб топилди.

Бу Нассурдин учун кетма-кет бешинчи ғалабага айланди. Борральо эса фаолиятидаги иккинчи мағлубиятини қабул қилиб олди.