"Навбаҳор" "Пахтакор" футболчисини ўз сафида кўрмоқчи

"Навбаҳор" жамоаси Ўзбекистоннинг амалдаги чемпиони ҳисобланган футболчини ўз сафига қўшиб олмоқчи.

Гап "Пахтакор" марказий ҳимоячиси Достон Турсунов ҳақида кетмоқда. Наманган клуби "Рубин"га кетган Рустам Ашурматовнинг ўрнига муносиб ўринбосар изламоқда. "Навбаҳор" вакиллари аллақачон 27 ёшли ўйинчи билан алоқага чиқишган.

Ўтган мавсум пойтахтликлар сафида спорт формасини тиклаган ва мавсум сўнггида асосий таркиб ўйинчисига айланиб олган Турсунов "шерлар" сафида қоладими ёки Наманганга кетадими, буни вақт кўрсатади.