"Навбаҳор"ни юта олмаган "Ал Ҳилол" жаҳон рекордини янгилаш учун "Аякс", "Бавария", "Реал", "Манчестер Сити"дан ўтиб кетди

Шу тариқа, Осиё гранди барча мусобақаларда кетма-кет ғалабали серия бўйич жаҳон рекордини янгилагани ҳақида хабар берган эдик.

“Ал Ҳилол” жаҳон рекордини янгилади

Хўш, риёдликлар бу йўлда қайси жамоаларнинг рекордларини "уриб" чиқишди? Бу рўйхатда Топ клублар етарлича.

Барча мусобақаларда кетма-кет ғалабали серия қайд этган жамоалар:

1. "Ал Ҳилол" (Саудия Арабистони), 2024 йил - 28та ғалаба;

2. "Нью Сэинтс" (Уэльс), 2016 йил - 27та ғалаба;

3. "Аякс" (Нидерландия), 1995 йил - 25та ғалаба;

4. "Шахтёр" (Украина), 2012 йил - 25та ғалаба;

5. "Коритиба" (Бразилия), 2011 йил - 24та ғалаба;

6. "Црвена Звезда" (Сербия), 2000 йил - 23та ғалаба;

7. "Бавария" (Германия), 2020 йил - 23та ғалаба;

8. "Реал Мадрид" (Испания), 2014 йил - 22та ғалаба;

9. "Манчестер Сити" (Англия), 2021 йил - 21та ғалаба;

10. "Фенербаҳче" (Туркия), 2023 йил - 21та ғалаба.

"Ал Ҳилол" жамоаси 2023 йилнинг сентябрь ойидан бери шу кунгача қайси мусобақа доирасида расмий ўйин ўтказса ҳаммасини ўз фойдасига ҳал қилиб келмоқда. Жорже Жезус шогирдлари мағлуб эта олмаган охирги икки жамоадан бири ўзимизнинг "Навбаҳор" ҳисобланади. 2023 йилнинг 18 сентябрь куни "Ҳилол" ОЧЛ доирасида ўз майдонида Бабаян бошчилигидаги "Навбаҳор" билан қийинчилик билан 1:1 ҳисобида дуранг ўйнаган эди. Кейин орадан 3 кун ўтиб Саудия чемпионати доирасида "Дамак" билан ҳам 1:1 ҳисобида муроса кўчасини танлаган "Ал Ҳилол" ўшандан бери йўлидан чиққанини ер тишлатиб келмоқда.