Навоийда "Универсиада-2023" республика финал босқичи бўлиб ўтди + ФОТО

Мусобақада Қорақалпоғистон республикаси, Тошкент шаҳри ва вилоятлар олий таълим муассасаларидан 200 нафарга яқин талаба-спортчилар иштирок этди. Икки кун давом этган муросасиз баҳслар якунида вазн тоифалари бўйича ғолиб ва совриндорлар аниқланди. 

Якунда 3 та олтин, 2 та кумуш, 2 та бронза медалини қўлга киритган Бухоро вилояти жамоаси фахрли 1-ўринни эгаллади. Бухоролик талабалардан вазн тоифалари бўйича Каримов Собиржон (-60 кг), Бекмуродов Алибек (-73 кг) ва Эркинов Мурод (-100 кг) олтин, Фармонова Гулшод (-63 кг), Бобожонов Жалолиддин (+100 кг) кумуш, Амонов Муҳаммадқодир (-90 кг) ва Рўзиева Маржона (+78 кг) бронза медалларига сазовор бўлишди

Умумжамоа ҳисобида иккинчи ўринни Хоразм вилояти терма жамоаси эгаллаган бўлса, кучли учликка Сурхондарё вилояти терма жамоаси талаба спортчилари якун ясашди.

Ғолиб ва совриндор талаба спортчилар сертификат, медаль ва қимматбаҳо эсдалик совғалари билан тақдирландилар.