18 июн 23:21
Янгиликлар

Гимнастика

Навоийдаги гимнастика мусобақасида ғолиблар номи маълум бўлди

Навоий вилоятидаги гимнастикага ихтисослаштирилган болалар ва ўсмирлар спорт мактабида болаларнинг ёзги таътил даврида бўш вақтларини мазмунли ўтказиш, ёш ва иқтидорли спортчиларни саралаб олиш мақсадида бадиий гимнастика бўйича “Ёз-2018” мусобақаси ўтказилди.

Унда 2013-2008 йилларда туғилган қизлар иштирок этишди. Беллашувларда Кармана, Қизилтепа, Нурота туманларидан 90 нафар спортчи қизлар иштирок этишди.

Мусобақада Нурхаёт Зиёдуллаева (2013), Настарин Рўзиқулова, Азиза Амонова (2012), Насиба Суҳробова, Муштарийбону Комилова (2011), Малика Сайфуллаева, Хадичабону Шавкатова (2010), Зарина Зайниддинова (2009), Дилнура Аҳматова, Муҳаррам Музропова (2008)лар ўз йўналишларида биринчи ўринни қўлга киритдилар.

Турнир ғолиб ва совриндорлари Жисмоний тарбия ва спорт бошқармаси тасарруфидаги ГИБЎСМ томонидан 1-2-3 даражали диплом ва медаллар билан тақдирланишди.