02 янв 17:57
Янгиликлар

Футбол

"Нефтчи" трансфер нархи 300 минг евро бўлган футболчини ўз сафига қўшиб олди

Теглар : Нефтчи

Янги мавсумга тайёргарлик борасида селекция жараёнини давом эттираётган "Нефтчи" футбол клуби навбатдаги трансферни амалга оширди.

Жамоанинг ҳимоя чизиғини мустаҳкамлаш бўйича олиб борилган саъй-ҳаракатларидан келиб чиқиб, сербиялик тажрибали ҳимоячи Даниэль Стойкович билан шартнома имзоланди.

Маълумот ўрнида: Даниэль Стойкович 1990 йилда таваллуд топган. Фаолияти давомида Сербиянинг ОФК "Белград"," Радник", "Вождовац", Арманистоннинг" Алашкерт", Белоруссиянинг "Неман" ҳамда Қозоғистоннинг "Атирау" жамоаларида тўп сурган. "Нефтчи"га келишидан олдин" Атырау" таркибида ўйнаган футболчи 24та баҳсда майдонга тушиб, бир марта рақиблар дарвозасини ишғол этган.

Клубимиз ва мухлисларимиз номидан Даниэль Стойковичга севимли жамоамиз шарафини ҳимоя қилишидаги фаолиятига омадлар ёр бўлишини тилаб қоламиз.

"Нефтчи" матбуот хизмати