UZ

Сўнгги янгиликлар

21:27Шахмат: Сўнгги турдаги рақибимиз маълум 3 20:24Шахмат Олимпиадаси: Сўнгги тур олдидан кучли ўнлик қандай кўринишда? (жадвал) 1 20:04V Ислом бирдамлиги ўйинларида яна бир медалга эга бўлдик 0 19:43Шахмат Олимпиадаси: Ўзбекистон йигитларининг мағлубиятсиз юриши давом этади! 8 19:21Нурсултон Рўзибоев боксдаги 3-жангини қачон ўтказиши маълум 0 19:12Ислом бирдамлик ўйинлари. Оскар Кучмурадов ва Роксана Худоёрова ўз иштирокини бошлади + ФОТОГАЛЕРЕЯ 1 19:00Афсонавий жиу-житсу жангчиси ўзи туғилиб ўсган шаҳрида ўлдирилди 0 18:38Рой Кин форвард Эрлинг Холандни мақтади 0 18:17Камару Усман укасининг ғалабасига муносабат билдирди 0 17:56Ник Киргиос 2019 йилдан буён биринчи титулини қўлга киритди 0 17:35Боб Арум Фьюри — Усик эҳтимолий жанги ҳақида гапирди 0 17:13"Реал"нинг УЕФА Суперкубоги учун қайдномаси маълум 0 16:52АFP 5 турнирининг марказий жанг ғолибига автомобил совға қилинади 0 16:26Спортчилар ижтимоий тармоқларда 0 16:10Биласизми? Австралия терма жамоаси сафида ўзбекистонлик шахматчи дона сурмоқда + ФОТО 0

09 дек 19:10
Янгиликлар

Футбол

“Нефтчи” – “Турон” учрашувидаги ҳолат бўйича ЎФA Тартиб-интизом қўмитаси қарори: беш футболчи ва "Нефтчи" жиддий жазоланди

Теглар :  НефтчиТурон
Фарғона шаҳрида ўтган “Нефтчи” (Фарғона) ва “Турон” (Яйпан) клублари ўртасидаги Про лиганинг 20-тур ўйинида футболга хос бўлмаган ҳолатлар содир бўлди.

“Истиқлол” стадионида ўтган мазкур баҳснинг якунида ўйин ҳакамларига нисбатан қўпол ва тажовузкор муносабатда бўлиб, уларга тан жароҳати етказилди.

ЎФA мутахассисларидан иборат махсус ишчи гуруҳ Ички ишлар вазирлиги, “Нефтчи” – “Турон” учрашувининг ташкилий ишларига масъул барча ташкилотлар билан ҳамкорликда учрашувда юзага келган можаро бўйича суриштирув ишлари олиб борди.

Ҳар бир ҳолат бўйича суриштирув ишлари якунига етгач барча керакли маълумотлар, шунингдек, ўйин қайдномаси, учрашув назоратчиси ва комиссарининг билдиргилари, оммавий тартибчизлик акс этган видеоматериаллар ЎФA Тартиб-интизом қўмитасига тақдим этилди.

“Нефтчи” – “Турон” учрашувидан сўнг вужудга келган тартибсизликни кўриб чиқиш ва айбдорларга чора кўриш масаласи Тартиб-интизом қўмитасининг йиғилишида атрофлича муҳокама этилди ва тегишли қарорлар қабул қилинди.

Унга кўра, “Нефтчи” клуби футболчиси Ж.Л.Тўрақулов учрашув бош ҳаками Ш.Насибуллаевга қасддан тан жароҳати етказгани учун унга нисбатан ЎФA Интизом кодексининг 5.6 ва 5.49-бандларига асосан 10 йил муддатга футбол билан боғлиқ ҳар қандай фаолият билан шуғулланишдан четлатиш интизом чораси қўлланди.

“Нефтчи” клуби футболчилари Ш.Б.Aбдураимов, С.М.Зокиров ва Ж.Қ.Қобулов учрашув бош ҳаками Ш.Насибуллаевга ҳужум қилганлиги учун уларнинг ҳар бири ЎФA Интизом кодексининг 5.48-бандига асосан 1 йил муддатга футболдан четлатилди ва 15 миллион сўмдан жаримага тортилди.

“Нефтчи” клуби футболчиси Д.Ф.Тошматов учрашув ёрдамчи ҳаками Д.Сайлавовга нисбатан тажавузкор ҳаракат қилганлиги учун Интизом кодексининг 5.49-бандига асосан 10 та расмий учрашувга дисквалификация қилинди.

Учрашув якунлангандан сўнг мухлислар футбол майдонида ва унга ёндош ҳудудларда тартибсизликлар келтириб чиқаргани, “Нефтчи” футбол клуби масъуллари жамоат тартибини сақлаш билан боғлиқ етарлича чоралар кўрилишини таъминламагани учун “Нефтчи” футбол клубига нисбатан Интизом кодексининг 5.4-бандига асосан 3 та уй учрашувини мухлисларсиз ўтказиш ва 100 миллион сўм миқдорида жарима интизом чораси қўлланди.

Учрашувдан сўнг стадионга ташриф буюрган томошабинлар томонидан футбол майдонида ва унга ёндош ҳудудларда тартибсизликлар келтириб чиқарилиши ҳолатини муҳокама қилиш ҳамда “Истиқлол” стадиони маъмуриятига чора кўриш бўйича Фарғона вилояти Ички ишлар бошқармасига тақдимнома юборилди.


Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг