Нега айнан Петр Янга келганда шундай бўлди? UFC'да учта бир хил зарбали ҳолат, бироқ уч хил натижа...

Қизиғи, жанг биринчи раунддаёқ якунланди. Аниқроғи, Даррен рақибининг қўли ва тиззаси канвасга тегиб турганига қарамасдан, тизза билан зарба йўллади ва Эрик нокдаун ҳолатига тушиб қолди. 

Ёдингизда бўлса, бундан бир ҳафта олдин бўлиб ўтган Ян - Стерлинг жангида ҳам шундай ҳолат рўй берганди, ўшанда эндиликда собиқ чемпион Ян тўртинчи раундда ҳудди шундай зарба йўллаб, рақибини нокуат қилганди. Ҳакамлар эса жангни ўша заҳоти тўхтатиб, Янга техник мағлубият ёзишганди. Бу баҳсда ҳам кўпчилик шундай қарор бўлади, деб ўйлаган бир вақтда ҳакамлар жанг ўтказилмаган деб эълон қилишди ва табиийки, баҳсда ҳеч бир жангчи ғолиб бўлмади. 

Бу ҳолат бўйича Петр Ян ҳам ўз фикрни билдириб ўтди.

"Бу жанг ҳам Вегасда бўлди, бу турнирда ҳам мен жанг қилган ташкилотчилари, ҳакамлар ишлашди. Лекин негадир натижа икки хил. Мендаги ҳолатда рақибимни қўли ерда ҳам эмас эди, бироқ менга мағлубият ёзилди ва бунинг натижасида камаримдан махрум бўлдим. Бу баҳсда эса жанг ўтказилмаган деб эълон қилинди", - дея фикр билдирди Ян. 

Кўпчилик жанг чемпионлик учун бўлгани деб шундай қарор қилинди деб айтиши ҳам мумкин. Бироқ бундан икки йил аввал ўша вақтларда яримоғир вазн тоифасида UFC чемпиони Жон Жонс Энтони Смитга қарши жанг қилган. Ўшанда Жонс аввалги иккита жангчи сингари рақибига тақиқлаган зарба йўллаб, Смитни нокдаун ҳолатига туширганди. Аммо, у ерда Смит белгилаган беш дақиқани олган ва ўзига келишга эришганди. Шундан сўнг баҳс давом эттирилганди. 

Учта жанг, учта бир хил вазият, учала баҳс ҳам Вегасда бўлган, учала баҳс ҳам Невада спорт комиссияси томонидан ўтган. Бироқ уч хил натижа. Ғалати эмасми? 

Нима бўлган тақдирда ҳам UFC ва Невада спорт комиссияси Петр Янга жуда кескин чора кўргандек. Умид қиламиз, Ян ва Стерлинг ўзаро реванш баҳсида иштирок этиб, ким аслида ким эканлигини кўрсатишади.