Неймар "Барселона"га ультиматум қўйди

Футболчи Каталония клубидан унинг трансферини тезроқ ҳал қилишини сўраган.

"Барселона" ҳалигача ПСЖ билан келишувга эришмагани Неймарга ёқмаяпти.

Бугун, "Барселона" Неймарнинг трансфери борасида янги таклиф билан чиқиши кутилмоқда. Олдинроқ, клублар бразилиялик борасида деярли келишувга эришгани, ҳаттоки "кўк-анорранглилар" Неймар фамилияси ёзилган либосларни буюртма қилганлиги ҳақида хабар қилинган эди.

Эслатиб ўтамиз, Неймар ПСЖга "Барселона"дан 222 миллион евро эвазига ўтган эди ва дунёнинг энг қиммат ўйинчисига айланган эди.

Неймар якунланган мавсум ПСЖ сафида 27та ўйинда майдонга тушиб, 23та гол ва 13та ассистга эришган.