Неймар жароҳати ҳақида: "Шифокорлар мени огоҳлантиришганди"

Футболчи 57-дақиқада захирадан ўйинга қўшилган, аммо 86-дақиқада яна майдонни тарк этганди. Вазиятларнинг бирида тезлик олган бразилиялик сонида оғриқ ҳис қилди ва бунинг натижасида ўйинни давом эттира олмади.

Эслатиб ўтамиз, Неймар тиззасидан жиддий жароҳат олиб, 369 кунни лазаретда ўтказганди.

"Томирларим тортишиб қолганини сездим, оғриқ жуда кучли эди. Тиббий текширувдан ўтаман ва умид қиламан-ки, бошқа жиддий ҳеч нима бўлмайди. Орадан бир йил ўтиб, бу каби ҳолат юз бериши нормал, шифокорлар мени бу ҳақида огоҳлантиришганди. Шунинг учун, эҳтиёт бўлишим ва кўпроқ ўйин амалиётига эга бўлишим керак", - деди Неймар.