Неймар жароҳатини даволаш учун кунига 11 соатгача машқ қилмоқда

"Сантос" форварди 17 апрель куни Бразилия чемпионатида "Атлетико Минейро"га қарши ўйинда (2:0) чап сонини шикастлаб олди ва 34-дақиқада захирага олинди.

33 ёшли футболчи клуб базасида кунига 11 соатгача шуғулланмоқда. У ҳафтада бир неча кун икки маҳал ишлайди. Тикланиш жараёни қониқарли кечмоқда.

Футболчи шифокорлар тавсиясига амал қилади ва май ойи охири ёки июнь ойи бошида майдонга қайтиши кутилмоқда. "Сантос" тиббий штабидагиларнинг айтишича, Неймар "ҳеч қачон бунчалик кўп машқ қилмаган".

Ҳужумчининг бразилияликлар билан шартномаси 30 июнгача амал қилади. Яқин кунларда томонлар келишувни узайтиришни муҳокама қилиши кутилмоқда.