17 сен 11:31
Янгиликлар
Футбол
Неймар нечта ўйинга дисквалификация қилингани маълум, энг катта жазони Курзава олди
Франция Лига 1 тартиб-интизом қўмитаси ПСЖ - "Марсель" учрашувидаги жанжалли вазиятни ўрганиб чиқиб, футболчиларга нисбатан жазо белгилади.
ПСЖ ҳужумчиси Неймар ҳамда ярим ҳимоячи Леандро Паредес 2 тадан ўйинга четлатилди. Парижликлар ҳимоячиси Левен Курзава энг кўп - 6 та учрашувга дисквалификация қилинди. "Марсель"дан Жордан Амави 3, Дарио Бенедетто 1 та ўйинни ўтказиб юборади. Лига 1 шунингдек, Неймарга қарата айтилган ирқчилик сўзлари учун ҳам иш очди.
Эслатиб ўтамиз, парижликларнинг мағлубияти билан якунланган ПСЖ - "Марсель" ўйини сўнггида Неймар Альваро Гонсалесга мушти билан зарба берган ва ҳақли равишда қизил карточкага лойиқ кўрилганди. Шундан сўнг футболчилар ўртасида оммавий "тўполон" бошланиб кетган эди.
Ҳавола :
Манба : olamsport.com
Фикрлар