01 сен 12:31
Янгиликлар
Футбол
Неймарнинг яқинлари футболчини ПСЖда қолишини тасдиқлашди
“Пари Сен-Жермен” клуби ҳужумчиси Неймар жорий трансфер ойнаси вақтида жамоасини ўзгартирмайди, дея хабар бермоқда RMC Sport.
Ушбу хабарни 27 ёшли ҳужумчининг яқинларидан бири нашрга маълум қилган.
Эслатиб ўтамиз, ушбу йилнинг ёзида Неймар ПСЖни тарк этмоқчи эканлиги ҳақида айтганди. Футболчининг трансферини “Барселона”, “Реал” ва “Ювентус” қўлга киритиш ниятида эди. Каталония клуби футболчининг Испанияга қайтариш учун фаол ҳаракат қилди. Аммо томонлар якунда трансфер келишувига эриша олишмаган кўринади.
2018/19 йилги мавсумда бразилиялик футболчи парижликлар сафида барча турнирларда 28 та учрашувда майдонга тушиб, 23 та гол урди ва 13 та голли узатмани амалга оширди.
Футболчининг француз клуби билан амалдаги шартномаси 2022 йилнинг 30 июнига қадар тузилган.
Ҳавола :
Манба : championat.asia
Фикрлар