12 янв 09:28
Янгиликлар

Бокс/ММА

Нейт Диас - Дастин Порье жангининг янги муддати маълум

UFC раҳбарияти Нейт Диас ва Дастин Порье ўртасида жанг ўтказиш ғоясидан воз кечгани йўқ.

Бу ҳақда ташкилотга яқин манбалар хабар бермоқда.

"UFC Нейт Диасни март ойида жанг қилишга кўндиради. Унинг шартнома муддати узайтирилиши айнан шу жангга розилик бериши билан боғлиқ. Дастин Порье аллақачон бу жанг учун тайёр эканини маълум қилган. Ҳамма гап Диаснинг ўзида қоляпти", - дейилади хабарда.

Эслатиб ўтамиз, ўтган ҳафта Дастин Порье қисқа муддат бўлишига қарамай, Нейт Диас билан жанг таклифини қабул қилганди. Лекин UFC билан битта жанг учун шартномаси қолган Диас фикрини ўзгартирган эди.

Маълумот учун, 5 март куни АҚШнинг Лас-Вегас шаҳрида UFC 272 турнири бўлиб ўтади. Катта эҳтимол билан Нейт Диас - Дастин Порье жанги ушбу UFC оқшомида ўтказилади.