Нейт Диас UFC`га қайтиш ва чемпионлик учун жанг қилиш ниятида

"Номим? Менинг йўлим ҳали тугамаган. Менинг спорт ривожига қўшган ҳиссам етарлича қадрланмаган, деб ўйлайман. Назаримда, мен UFC`га бошқалардан кўра кўпроқ ҳисса қўшганман. Масалан, Конор [Макгрегор] ҳам ўз ҳиссасини қўшган, лекин акамнинг фаолиятини, мен қилган ишларни одамлар унутган.

Ҳеч нарса абадий эмас, чунки сен ўз йўлингда етарлича тан олинмайсан. Шунинг учун, имконият бор экан, мен жангларни давом эттиришни хоҳлайман.

Ҳозирги вазиятга қаранг. Ҳамма жанглар зерикарли. Шу ҳолатда мен қайтишни ва UFC камарини қўлга киритишни истайман. Мен бекорга жанг қилгим келмайди, тушуняпсизми? Мен ҳақиқатан ҳам, қандайдир мақсад учун курашгим келади. Ҳозир айтингчи, кимлар яримўрта вазн чемпиони бўлиб юрибди? Қаранг, мен айтаётган нарса шу!

Нега мен UFC`га қайтиб, шунчаки ким биландир жанг қилишим керак? Ҳозирги жангчилардан ҳеч бири менга қизиқ эмас. Шунинг учун, мен ҳозир у ерда эмасман, тушуняпсизми? Мен ҳаммасини кузатиб турибман", - деди Диас.