Нейт Диаз Порье билан жанг ҳақида: "UFC бу керак эмаслигини айтди"

"Мен ҳозиргина UFC билан гаплашдим, улардан Порье билан жангга тайёргарлик қандай кетаётганини сўрадим, тезроқ жанг қилмоқчи эканлигимни айтдим. Лекин улар Дастин уларга керак эмаслигини айтишди. Шундай экан, кечир Дастин, сен — ёмонсан. Қандай бўлмасин, мен тезроқ жанг қилмоқчиман, кел, буни амалга оширамиз! П.С. Оливейра, сен ҳам ёмонсан!" — деб ёзди Диаз ўз твиттер саҳифасида.

Порье сўнгги жангини UFC 269 турнири доирасида бразилиялик Чарлз Оливейрага қарши ўтказган. Жангда бразилиялик Оливейра Порьени бўғиш усули билан мағлуб этган эди. 

Нейт Диаз эса сўнгги жангини UFC 263 турнири доирасида британиялик Леон Эдвардсга қарши ўтказган эди, жангда британиялик жангчининг қўли баланд келган. Нейт дастлаб 2021 йил охиригача яна бир жанг ўтказишни режалаштирган эди, бироқ промоушен унга Хамзат Чимаев билан жанг ўтказишни таклиф қилганидан кейин UFC билан рақиб борасида келиша олмади.

Диёр Мавлонов тайёрлади