Нганну UFC'дан уни судга беришлари борасидаги хат қабул қилиб олди

Оғир вазн тоифасида UFC чемпиони Фрэнсис Нганну ташкилотдан уни судга беришлари мумкинлиги ҳақида хат олгани маълум бўлди.

"Нганну ҳозиргина айтдики, у ва унинг жамоаси UFC'дан огоҳлантириш хати олган. Бунга сабаб, улар "Honda-centre"га келишганида блогер Жейк Полнинг промоутери Накиса Бидариан билан бокс жанги борасида музокара ўтказишган", - деб ёзади Жейсон Хэгхолм.

Эслатиб ўтамиз, Фрэнсис Нганну куни кеча Сирил Ганни мағлубиятга учратиб, чемпионлик камарини ҳимоя қилган эди. Нганну ҳозирда UFC билан зиддиятларга бормоқда. Ганга қарши жанг у учун UFC`даги сўнггиси бўлиши ҳам мумкин.