22 апр 07:52
Янгиликлар

Бошқалар

Нидерландияда 1 сентябргача ҳеч қандай мусобақа ўтказилмайди

Нидерландия Бош вазири Марк Рутте мамлакатдаги карантин ҳолати 1 сентябргача узайтирилишини маълум қилди.

Табиийки, кузнинг биринчи кунигача футбол ва спорт мусобақалари ўтказилмайди. Бундай қарорга келинишига Нидерландиядаги коронавирус пандемияси бўйича ҳолатнинг ижобий томонга ўзгармаётгани сабаб бўлган.

Voetbal International хабарига кўра, Эредивизи, яъни футбол бўйича мамлакат чемпионати ҳам тўхтатилади. Нидерландия футбол федерацияси тез орада мавсум якунланганини эълон қилади. Айни пайтда турнир жадвалида Аякс ва АЗ клублари 56 очкодан жамғарган ҳолда қўшҳокимлик қилишяпти. Тўплар нисбатига кўра амстердамликлар пешқадам.