Нигина Абдураимова Сплит турнирининг илк даврасидаёқ ютқазди

Мукофот жамғармаси 75 000 долларни ташкил қилувчи ушбу мусобақада Нигина Абдураимова ҳам ўз имкониятини синовдан ўтказяпти. Мамлакатимизнинг биринчи ракеткаси илк даврада хорватиялик Яна Феттга қарши кортга чиқди. Ҳамюртимиз турнирнинг иккинчи ракеткаси билан бўлиб ўтган баҳсда деярли қаршилик кўрсата олмади - 3/6, 2/6. 

Таққослаш учун, Нигина Абдураимова WTA рейтингида 240, Яна Фетт эса 171-ўринни эгаллаб турибди. Теннисчилар шу кунгача ўзаро икки маротаба тўқнаш келишганди. 2016 йили Токиодаги турнир доирасида ўтказилган илк баҳсда Фетт ғалаба қозонган бўлса, ўтган йили айнан Сплитдаги турнирда Абдураимова етти йил аввалги мағлубият учун реванш олганди. Кечаги ғалаба орқали Яна яна ҳисобда олдинга чиқиб олди.