25 фев 12:16
Янгиликлар

Футбол

Нигина ва Оқгул Москвадаги турнирда

Бугун Россия Федерацияси пойтахти Москва шаҳрида теннис бўйича “Фьючерс” туркумига кирувчи турнирнинг саралаш баҳслари бошланади.

Соврин жамғармаси 25 000 АҚШ долларини ташкил қилувчи мусобақада икки ҳамюртимиз ҳам иштирок этади. Нигина Абдураимова ва Оқгул Омонмуродова рейтингдаги ўринларига кўра ўз иштирокларини саралаш баҳсларидан бошлашади.

Қуръа натижасига кўра саралаш турнирининг олтинчи ракеткаси сифатида қайд этилган Нигина илк даврада беларуслик Светлана Пираженкага қарши кортга чиқади. Омонмуродова эса россиялик Варвара Грачева билан муносабатларига ойдинлик киритиб олади.