Ниғматов Минск турнирида яна 4та партия ўтказди

Ушбу мусобақада юртимиз шарафини ФИДЕ устаси Ортиқ Ниғматов ҳимоя қиляпти. Турнирда халқаро гроссмейстерлар - Антон Коробов (Украина, 2736), Дмитрий Андрейкин (Россия, 2733), Сергей Жигалко (Беларусь, 2724), Рауф Мамедов (Озарбайжон, 2711) сингари шахмат юлдузларининг иштирок этаётгани мусобақа нуфузидан дарак бериб турибди.

Кеча турнирда яна 4та партия учрашувлари ўтказилди. Ниғматов худди биринчи кунда бўлгани каби 2,5 очко жамғарди. Яъни, 2 ғалаба, биттадан дуранг ва мағлубият қайд этди. Ҳамюртимиз бугун ўтказиладиган партиялар олдидан 5 очко билан 19-ўринни эгаллаб турибди. Бугун у 9-турда оқ доналарда беларуслик Андрей Святачога қарши ҳаракат қилади.

Маълумот учун, Минск турнири швейцарча тизимда ўтказилиб, 11 турдан иборат бўлади. Ғолиб шахматчи 2000 АҚШ доллари ва кубокни қўлга киритади.Кучли олтиликдан жой олган шахматчиларга пул мукофоти таъсис этилган.