Ниҳоят, Дана Уайт Ислам Махачевни тан олди

Махачев ўз камарини тўртинчи бор муваффақиятли ҳимоя қилди. Бу билан россиялик аралаш яккакураш устаси вазн тоифасидан қатъи назар UFC промоушенининг энг яхши жангчиси эканини исботлади. Ниҳоят, бу фикрга ташкилот раҳбари Дана Уайт ҳам қўшилган кўринади.

"Иккала жангчи ҳам ўзларини яхши томондан кўрсата олишди. Мойкано жуда қисқа муддатда таклифга ўз розилигини бериб, чемпионга қарши октагонга чиқди. Ислам менга – ака, мен чемпионман, эртага ким билан жанг қилишимнинг фарқи йўқ, эрталаб уйғонаман ва исталган рақибга қарши баҳсда камаримни ҳимоя қиламан. У ўз сўзида турди ва ғалаба қозонди. Ҳа, мен уни энди P4P рейтинги пешқадами сифатида тан оламан. Шунингдек, Махачев енгил вазн тоифаси тарихидаги энг яхши жангчи ҳам бўлди. Ўйлайманки, бу борада сизни саволлар туғилмайди. Ёки сизлар бошқа фикрдамисизлар?", – деди Уайт. 

Аввалроқ, Дана Уайт бир неча бор P4P рейтингида биринчи ўринга оғир вазн тоифасида амалдаги UFC чемпиони Жон Жонсни қўйиб келганди.