10 июн 16:51
Янгиликлар

Дзюдо

Ниҳоят! Давлат Бобонов жаҳон чемпионатининг финалида!

Будапешт шаҳрида дзюдо бўйича катталар ўртасидаги жаҳон чемпионатининг бешинчи кунги баҳслари давом этмоқда.

Ҳозиргина -90 кг вазн тоифасида юртимиз шарафини ҳимоя қилаётган Давлат Бобонов жаҳон чемпионатининг ярим финал учрашувини якунлади. Ўзбекистоннинг 2020 йилдаги энг яхши спортчиси венгриялик тажрибали дзюдочи Кристиан Тоттга қарши татамига чиқди ва рақибини мағлубиятга учратиб, финалга йўл олди.

Энди Бобонов кечки дастурда жаҳон чемпионлиги учун баҳс олиб боради. Ҳар қандай ҳолатда ҳам бугун жаҳон чемпионатининг илк медалини қўлга киритамиз. Кумуш нақд, лекин бизга ОЛТИН керак!