Ниҳоят! Жесси Лингард ўзига янги жамоа топди. Жамоа Европадан эмас

Футболчи Корея Республикасининг “Сеул” жамоасига ўтади. 31 ёшли футболчи янги жамоаси билан 2+1 кўринишдаги шартномага имзо чекади.

Лингардга Кореядан ташқари Туркия ва Саудия Арабистонидан ҳам таклифлар бўлган, бироқ футболчига “Сеул” таклифи маъқул келган.

Лингард ўтган ёздан бери, "Ноттингем Форест" билан шартномаси тугаганидан кейин клубсиз. Аввалроқ футболчи "Манчестер Юнайтед", "Вест Хэм", "Дерби Каунти", "Брайтон" ва "Лестер" жамоаларида тўп тепган.

Шунингдек, у Англия терма жамоаси сафида 32 та ўйинда майдонга тушиб, 6 та гол урган. Transfermarkt Лингарднинг нархини 6 миллион еврога баҳоламоқда.