Ниҳоят, МЮ Тен Хаг ўрнига мураббий излай бошлади

"TEAMtalk" манбаларига кўра, клуб раҳбарияти шу ёзда нидерландиялик мураббий билан шартномани узайтирганига қарамай, потенциал янги номзодларни фаол равишда ўрганмоқда.

Янги мавсум старти "қизил иблислар" учун омадсиз чиқди: Премьер-лиганинг олтита учрашувида атиги етти очко ва турнир жадвалида 12-ўрин. Яқинда Европа Лигасида аутсайдер "Твенте" билан 1:1 ҳисобидаги дуранг ва "Тоттенхэм"дан 0:3 ҳисобида учралган мағлубият мухлисларнинг норозилиги ва тен Ҳагнинг мураббийлик қобилиятига шубҳаларни кучайтирди.

Қизиғи шундаки, тен Ҳагнинг шартномасини узайтириш яхши вариантлар йўқлиги сабабли содир бўлганди. Томас Тухель ва Маурисио Почеттино каби таниқли мутахассислар билан музокаралар натижа бермади ва клуб раҳбарияти нидердандиялик мураббий  билан ҳамкорликни давом эттиришга мажбур бўлди.