Ниҳоят, Шоҳасан Мирзаматов Octagon чемпионлиги учун октагонга чиқади + ПОСТЕР

Ҳамюртимиз вазн чемпиони, қозоғистонлик Георгий Кичигинга қарши октагонга чиқади. Ушбу жанг 2024 йилнинг январь ойида Octagon 54 турнири доирасида ташкил этилади. Лига раҳбарияти томонидан ушбу жанг расман тасдиқланди. Аввалроқ, Шоҳасан чемпионга "вызов" ташлаганди.   

"Мен аллақачон чемпионлик жангига тайёрман. Кичигин кўп гапирди, лекин ғалабамдан кейин жим бўлиб қолди. Биз жангда қайси биримиз қўрқоқ эканлигимизни билиб олишимиз керак. Мен сени нима қилишимни биласан ва шунинг учун ҳам шошилма. Чемпионлик камаримни Ўзбекистонга олиб боришни интиқлик билан кутяпман. Фақат қочма!", - деганди Мирзаматов Кичинга мурожаатида.

Эслатиб ўтамиз, Шоҳасан Мирзаматов 21 октябрь куни Олма-Ота (Қозоғистон) шаҳрида ўтказилган Octagon 51 турнири доирасида бразилиялик Нилсон Гомесни муддатидан олдин мағлуб этган эди.