"Нима бўлди?": Кечаги тарози маросимида ҳушини йўқотган UFC жангчиси баёнот берди

"Менга жуда кўп смс хабарлар келди ва мен ҳақимда самимий қайғурганлари учун барчадан миннатдорман. Нима бўлди? Менда ҳаммаси жойида. Мен яхшиман. Айнан нима содир бўлганига ишончим комил эмас. Интернетда кўпчилик "О, бу қаттиқ вазн пойгаси эди" ва шунга ўхшаш нарсаларни ёзаётганини кўраман. Лекин аслида мен бу жангга кўпчилик ўйлаганчалик кўп вазн ҳайдамадим. Тарози маросимига жуда енгил бордим. Ҳатто шу ҳафтада ҳам деярли вазн ташламадим. Нима бўлганини тушунмаяпман ва яқин ҳафталарда сабабларни аниқлаш учун қўшимча текширувлардан ўтишим керак. Нима бўлганини билмайман. Аммо яхши маънода безовта қилганингиз учун ҳаммага раҳмат - мен яхшиман ва умид қиламанки, тез орада қайтаман. Рақибимдан узр сўрайман" - деди Кемерон.

Эслатиб ўтамиз, тарозидан тушиб, бир неча қадам ташлаган Смозермен ҳушсиз ҳолатда йиқилганидан сўнг, унинг Рики Турсиос билан жанги бекор қилинганди. Ваҳоланки. иккала жангчи ҳам вазн меъёрини муваффақиятли бажаришганди. Ташкилот вакиллари аллақачон Турсиос жанг учун шартномада кўрсатилган гонорарни олишини маълум қилишган.