Нодирбек Абдусатторов Freestyle Chess Grand Slam турниридаги иштирокини якунлади

Айни дақиқаларда мусобақада ҳал қилувчи финал учрашувлари бўлиб ўтмоқда. Турнир бош соврини учун америкалик Фабиано Каруана мусобақа кашфиётига айланган германиялик Винсент Кеймерга қарши баҳс олиб боряпти ва у ўз ватанидаги мусобақада чемпион бўлишга яқин турибди.   

Афсуски, Нодирбек Абдусатторов 5-ўрин учун кечган ҳар иккала баҳсда америкалик Ҳикару Накамурага ютқазиб қўйди. Нодирбек кечаги мағлубиятдан кейин бугун ижобий натижа қайд эта олмади. Рейтингнинг учинчи поғонасида бораётган Ҳикару бугун оқ доналарда зафар қучиб, мусобақани кучли бешликда якунлади. 

Ҳикару Накамура 50 000 АҚШ доллари миқдоридаги мукофот пулига ҳам эга бўлди. Ўн иштирокчи орасида 6-поғонадан жой олган Нодирбек Абдусатторов эса 40 000 доллар билан Ватанга қайтади. Айни дақиқаларда Жавоҳир Синдаров 3-ўрин учун норвегиялик афсона Магнус Карлсенга қарши баҳс олиб бормоқда. Кечаги илк учрашувда Магнус зафар қучганди.