Нодирбек Абдусатторов ҳамон пешқадам, аммо...

Дунёнинг 10 нафар гроссмейстери қатнашаётган ушбу нуфузли мусобақада Нодирбек Абдусатторов ҳам муваффақиятли одимламоқда. Афсуски, ҳамюртимиз 6-турга келиб турнирдаги илк мағлубиятини қабул қилиб олди. Ёш гроссмейстеримиз оқ доналарда ўйнашига қарамай, ҳиндистонлик Рамешбабу Праггнанандҳага ютқазиб қўйди. 

Шунга қарамай, 6 имкониятдан 4 очко жамғарган Абдусатторов пешқадамликни сақлаб қолди. Бунга унинг асосий таъқибчиларининг ҳам 6-турда очко йўқотгани сабаб бўлди. Эронлик Парҳам Мақсудлу (2715) чехиялик Таи Даи Ван Нгуенга ютқазиб қўйди. 

Бугун 7-турда Нодирбек қора доналарда германиялик Винсент Кеймерга қарши баҳс олиб боради. Абдусатторовнинг энг яқин таъқибчиси Ричард Раппорт эса чехиялик Таи Даи Ван Нгуен билан ҳисоб-китоб қилади. Раппорт, Мақсудлу ва Рамешбабу ҳисобида 3,5 тадан очко бор.  

"Prague International Chess Festival". 6-тур натижалари:

Давид Навара (Чехия, 2667) - Ричард Раппорт (Руминия, 2717) 1,5-1,5

Таи Даи Ван Нгуен (Чехия, 2630) - Парҳам Мақсудлу (Эрон, 2715) 1-0

Видит Сантош Гужрати (Ҳиндистон, 2747) - Винсент Кеймер (Германия, 2738) 0-1

Нодирбек Абдусатторов (Ўзбекистон, 2744) - Рамешбабу Праггнанандҳа (Ҳиндистон, 2747) 0-1

Доммаражу Гукеш (Ҳиндистон, 2743) - Матеуж Бартел (Польша, 2660) 0-1 

"Prague International Chess Festival". 7-тур жуфтликлари:

Матеуж Бартел (Польша, 2660) - Давид Навара (Чехия, 2667)

Рамешбабу Праггнанандҳа (Ҳиндистон, 2747) - Доммаражу Гукеш (Ҳиндистон, 2743)    

Винсент Кеймер (Германия, 2738) - Нодирбек Абдусатторов (Ўзбекистон, 2744)

Парҳам Мақсудлу (Эрон, 2715) - Видит Сантош Гужрати (Ҳиндистон, 2747)

Ричард Раппорт (Руминия, 2717) - Таи Даи Ван Нгуен (Чехия, 2630)