Нодирбек Абдусатторов Магнус Карлсен ҳақида гапирди

— Ўзингизни шахматчи сифатида қандай таърифлайсиз?

"Мен ўзимни агрессив ўйин услубига эга ўйинчи деб биламан. Ҳар бир партияда охиригача курашиш ва босим остида ҳам тўғри қарор қабул қилиш — менинг асосий кучли томонларим".

— Севимли дебютингиз қайси?

"Менинг энг севимли дебютим Руй Лопез (Испанча партия деб ҳам аталади)". 

— Нима учун айнан шу дебютни ёқтирасиз?

"У жуда кўп қиррали, тарихий меросга эга ва замонавий шахмат стратегиясида ҳам муҳим ўрин тутади. Кўплаб буюк чемпионлар шу дебютга таянишган".

— Ўз ўйинларингизни яна қайси томондан кучайтиришни хоҳлайсиз?

"Ўйиннинг якуний қисми — эндшпильни ривожлантириш. Магнус Карлсен каби чуқур техникага эга бўлишни истайман"

— Сизни илҳомлантирган шахматчи ким?

"Мени энг кўп илҳомлантирган шахматчи — Гарри Каспаров. Унга ҳавас қиламан ва унинг ўйин услубидан ўрнак олишга ҳаракат қиламан".

— Энг кучли рақибингиз ким бўлган?

"Албатта, Магнус Карлсен. У барча даврларнинг энг кучли шахматчиларидан бири, ҳали ҳам юқори савияда ўйнамоқда".

— Онлайн ёки офлайн шахмат, сиз қайси бирини афзал кўрасиз?

"Мен офлайн шахматни афзал кўраман, чунки онлайн шароитда рақибнинг юз ифодалари, ҳиссиётлари кўринмайди. Жонли баҳсда эса рақибнинг реакцияларидан ҳам фойдаланиш мумкин".

— Ҳозиргача эришган энг катта ютуғингиз қайси?

"2021 йилда жаҳон рапид чемпионлигига эришишим ва илк бор олтин медал олишим — ҳозиргача менинг энг катта ютуғим".

— Келажакдаги энг катта мақсадингиз нима?

"Болаликдан бери дунёда биринчи рақамли шахматчи бўлишни орзу қиламан. Бу ҳар қандай топ ўйинчининг энг олий мақсади".

— Бу мақсадга эришиш қийин бўлмайдими?

"Албатта, осон эмас. Олдинда жуда катта меҳнат ва синовлар кутиб турибди. Лекин мен бунга тайёрман ва олдинга интилишдан тўхтамайман", дейди Абдусатторов.