Нодирбек Абдусатторов ноқулай рақибини мағлуб этди, у ҳамон пешқадам

Дунёнинг 10 нафар гроссмейстери қатнашаётган ушбу нуфузли мусобақада Нодирбек Абдусатторов (2744) ҳам муваффақиятли одимламоқда. Кеча ҳамюртимиз 7-турда ўзининг ноқулай рақибларида бири, германиялик Винсент Кеймер (2738)ни қора доналарда ўйнашига қарамай, мағлубиятга учратди. 

Ёш гроссмейстеримиз 7 имкониятдан 5 очко жамғарган ҳолда турнир жадвалида якка пешқадамлигини сақлаб қолди. Унинг асосий таъқибчиларидан бири эронлик Парҳам Мақсудлу (2715) ҳиндистонлик Видит Сантош Гужрати (2747)дан устун келди. У 4,5 очко билан иккинчи ўринга кўтарилиб олди. Ричард Раппорт (Руминия, 2717) 7-турда оқ доналарда Таи Даи Ван Нгуен (Чехия, 2630)га ютқазиб қўйди. 

Бугун 8-турда Нодирбекни ҳақиқий синов кутмоқда. Абдусатторов катта эҳтимол билан чемпионлик масаласини ҳал қиладиган баҳсда Парҳам Мақсудлуга қарши оқ доналарда ўйнайди. Таи Даи ҳамда Рамешбабу Праггнанандҳа 4 тадан очко жамғариб, учинчи ва тўртинчи ўринларни банд этишган. 

"Prague International Chess Festival". 7-тур натижалари:

Матеуж Бартел (Польша, 2660) - Давид Навара (Чехия, 2667) - 1/2:1/2

Рамешбабу Праггнанандҳа (Ҳиндистон, 2747) - Доммаражу Гукеш (Ҳиндистон, 2743) - 1/2:1/2    

Винсент Кеймер (Германия, 2738) - Нодирбек Абдусатторов (Ўзбекистон, 2744) - 0:1

Парҳам Мақсудлу (Эрон, 2715) - Видит Сантош Гужрати (Ҳиндистон, 2747) - 1:0

Ричард Раппорт (Руминия, 2717) - Таи Даи Ван Нгуен (Чехия, 2630) - 0:1

"Prague International Chess Festival". 8-тур жуфтликлари:

Давид Навара (Чехия, 2667) - Таи Даи Ван Нгуен (Чехия, 2630) 

Видит Сантош Гужрати (Ҳиндистон, 2747) - Ричард Раппорт (Руминия, 2717)

Нодирбек Абдусатторов (Ўзбекистон, 2744) - Парҳам Мақсудлу (Эрон, 2715) 

Доммаражу Гукеш (Ҳиндистон, 2743) - Винсент Кеймер (Германия, 2738) 

Матеуж Бартел (Польша, 2660) - Рамешбабу Праггнанандҳа (Ҳиндистон, 2747)