Нодирбек Абдусатторов пешқадамлик қилаётган турнирда бугун 6-тур ўтказилади

Дунёнинг 10 нафар гроссмейстери қатнашаётган ушбу нуфузли мусобақада ҳамюртимиз Нодирбек Абдусатторов ҳам муваффақиятли одимламоқда. Бугун ўтказиладиган 6-тур олдидан гроссмейстеримиз 4 очко билан якка пешқадам бўлиб турибди. Нодирбек 5 учрашувнинг 3 тасида ғалаба қозонган, 2 тасида эса дурангга имзо чеккан. 

Бугун 5-турда Абдусатторов оқ доналарда ҳиндистонлик Рамешбабу Праггнанандҳага қарши баҳс олиб боради. Рамешбабу 5 имкониятлан 2,5 очко жамғарган ва у турнир жадвалида қўшимча кўрсаткичларга кўра 6-ўринни банд этган. 

"Prague International Chess Festival". 6-тур жуфтликлари:

Давид Навара (Чехия, 2667) - Ричард Раппорт (Руминия, 2717)

Таи Даи Ван Нгуен (Чехия, 2630) - Парҳам Мақсудлу (Эрон, 2715)

Видит Сантош Гужрати (Ҳиндистон, 2747) - Винсент Кеймер (Германия, 2738)

Нодирбек Абдусатторов (Ўзбекистон, 2744) - Рамешбабу Праггнанандҳа (Ҳиндистон, 2747)

Доммаражу Гукеш (Ҳиндистон, 2743) - Матеуж Бартел (Польша, 2660)