Нодирбек Абдусатторов Прага турниридаги иккинчи учрашувини ўтказди

Ушбу мусобақада Нодирбек Абдусатторов ҳам иштирок этяпти. Ҳамюртимиз илк турда Чехия шарафини ҳимоя қилаётган Нгуен Таи Даи Ванни мағлубиятга учратиб, дунё рейтингида кучли ўнликка кириб олгани ҳақида хабар қилгандик. 

Кеча турнирда 2-тур партиялари ўйналди. Унда Нодирбек Абдусатторов қора доналарда ҳиндистонлик Видит Сантош Гужратига қарши баҳс олиб борди ва дурангга имзо чекди. Очколарини 1,5 тага етказиб олган гроссмейстеримиз турнир жадвалида 3-ўринни эгаллаб турибди.

Эронлик Парҳам Мақсудлу юз фоизлик натижа билан мусобақа яккакарвонбошиси бўлиб турибди. У 2-турда ҳиндистонлик Рамешбабу Праггнанадҳани таслим этди. Иккинчи ўриндан жой олган яна бир ҳинд шахматчиси Доммаражу Гукешда ҳам Нодирбек сингари 1,5 очко бор.