Нодирбек Абдусатторов Prague Masters чемпиони!

Айни дақиқаларда мусобақада сўнгги 9-тур учрашувлари давом этмоқда. Турнир жадвалида 5,5 очко билан пешқадам бўлиб турган Нодирбек Абдусатторов охирги турда оқ доналарда америкалик Ҳанс Мок Ниеманнга қарши баҳс олиб борди ва дурангга имзо чекди. 

Нодирбекнинг чемпион бўлишига тўсқинлик қилиши мумкин бўлган ягона иштирокчи нидерландиялик Йорден ван Форест бироз кутиилмаганда эронлик Парҳам Мақсудлуга имкониятни бой берди. Ван Форест ҳатто дуранг ўйнаганида ҳам Нодирбек чемпион бўлар эди. Фақат Йорденнинг ғалабасигина тай-брекларга мурожаат қилинишига сабаб бўларди.    

Сўнгги турда Нодирбек Якуббоев ҳам ажойиб ғалабани қўлга киритишга яқин турибди. У қора доналарда ўйнаётганига қарамай, дунёнинг тўртинчи рақамли шахматчиси, германиялик Винсент Кеймерни мағлуб этишга муваффақ бўлмоқда.