Нодирбек Абдусатторов қатнашаётган турнирнинг мукофот жамғармаси қанча?

Дунёнинг кучли саккиз нафар гроссмейстери дона сураётган Фишер шахмати бўйича мусобақанинг умумий мукофот жамғармаси 200 000 АҚШ долларини ташкил этади. Чемпион 60 000 долларга эга чиқади. Иккинчи ўрин соҳиби 40 000, кучли учликдан жой олган гроссмейстер эса 30 000 долларни қўлга киритади. Сўнгги ўринни галлаган шахматчи ўз ҳамёнини 8 000 АҚШ долларига бойитиб олади. 

Эслатиб ўтамиз, ушбу мусобақада Нодирбек Абдусатторов ҳам муваффақиятли одимлаяпти. Кеча ҳамюртимиз саралаш босқичининг сўнгги 7-турида амалдаги жаҳон чемпиони Магнус Карлсенни мағлубиятга учратиб, плей-оффга 1-ўрин билан йўл олди. 

Турнир регламентига кўра, саралаш босқичи ғолиби плей-оффда сўнгги 8-ўрин соҳиби билан ўйнайди. Бугун 1/4 финалда Абдусатторов 7 та учрашувнинг 6 тасида мағлубиятга учраб, фақат биттасида дуранг ўйнаган хитойлик Дин Лижэнга қарши дона суради.