14 авг 11:25
Янгиликлар
![](/upload/storage/308297_220.jpg)
Нодирбек Абдусатторов Saint Louis Rapid & Blitz турнирининг иккинчи куни қандай натижа қайд этди?
Saint Louis Rapid & Blitz мусобақаси "Grand Chess Tour" лойиҳаси доирасидаги тўртинчи турнир бўлиб, унинг мукофот жамғармаси 175 000 АҚШ долларини ташкил қилади. Бош соврин учун биринчи рақамли шахматчимиз Нодирбек Абдусатторов ҳам кураш олиб боряпти.
Турнир айланма форматда, рапид ва блиц йўналишларида вақт назоратида ўтказиляпти. Гроссмейстерлар 9 тур рапид, 18 тур блиц йўналишида ўзаро дона суришади. Мусобақанинг дастлабки уч куни рапид, қолган икки куни блиц баҳслари ташкил этилади. Рапид қисмидаги ғалабага 2, дурангга 1 очко берилади.
Турнир иштирокчилари: Нодирбек Абдусатторов (Ўзбекистон), Левон Аронян, Фабиано Каруана, Ҳикару Накамура, Леньер Домингес, Уэсли Со (ҳаммаси АҚШ), Максим Вашье-Лаграв, Алиризо Фирузжа (иккиси Франция), Ян Непомняший (FIDE), Рамешбабу Прагнанандҳа (Ҳиндистон)
Мусобақанинг иккинчи куни ҳам шахматчилар 3 та турда тўқнаш келишди. Нодирбек Абдусатторов кеча 2 дуранг ва бир мағлубият қайд этди. Ҳамюртимиз франциялик Алиризо Фирузжага имкониятни бой берди. Ҳиндистонлик Рамешбабу Прагнанандҳа ҳамда дунёнинг учинчи рақамли шахматчиси, америкалик Фабиано Каруана билан муросага келди. Нодирбек бугун ўтказиладиган сўнгги рапид баҳслари олдидан 5 очко билан қўшимча кўрсаткичларга кўра 6-ўринни эгаллаб турибди.
Фикрлар