Нодирбек Абдусатторов Шуша турнирида учта ўйин ўтказди

Ўз тарихида 10-маротаба ташкил этилаётган ушбу нуфузли турнирда жами 8 нафар гроссмейстер, улар қаторида ҳамюртимиз Нодирбек Абдусатторов ҳам иштирок этиши ҳақида хабар қилгандик. 

Бугун рапид баҳсларида дастлабки учта тур баҳслари бўлиб ўтди. 

Учта тур якунига кўра, ҳамюртимиз 1 та ғалаба, 1 та дуранг ва 1 та мағлубият қайд этди.

Нодирбек 1-турда ҳиндистонлик Аравиндҳ Читамбарамни мағлуб этган бўлса, 2-турда озарбайжонлик Айдин Сулейманли билан дуранг қайд этди. 3-турда эса россиялик Ян Непомняшийга имконият бой берилди. 

Шу тариқа, Абдусатторов 3 та тур якунига кўра 4,5 очко жамғарган ҳолда, 4-ўринни эгаллаб турибди. 

Маълумот учун, мусобақада ғалаба учун 3 очко, дуранг учун 1,5 очко берилади. 

Эртага турнир доирасида рапид баҳсларининг 4-7 турлари, 28 сентябрь куни эса блицнинг 14 та тури ўтказилади.