Нодирбек Абдусатторовдан дуранг, у якка пешқадамликни давом эттирмоқда

Мусобақанинг "Мастерс" гуруҳида иштирок этаётган Нодирбек Абдусатторов 6-тур доирасида ҳиндистонлик Прагнанадга қарши дона сурди ва дуранг ўйнади. 

Ушбу дурангдан сўнг Нодирбекнинг ҳисобидаги очколари сони 4,5 тага етди. 

Абдусатторовнинг асосий рақобатчиси Аниш Гири ҳиндистонлик Аржунга қарши ўйинда дуранг ўйнади. Магнус Карлсен ҳам мезбон ван Фореестга қарши баҳсда дурангга имзо чекди. 

"Челленжер" гуруҳида ўз иштирокини давом эттираётган Жавоҳир Синдаров бразилиялик Луис Пауло Супи ҳам билан учрашувда дурангга эришди. Жавоҳир ҳисобидаги очколари сонини 4 тага етказиб олди.