29 фев 23:08
Янгиликлар

Шахмат

Нодирбек Абдусатторовдан яна бир ғалаба, у дунё рейтингида 8-ўринга кўтарилиб олди!

Чехия пойтахти Прага шаҳрида шахмат бўйича "Prague International Chess Festival" турнири бўлиб ўтмоқда.

Ушбу мусобақада Нодирбек Абдусатторов ҳам иштирок этяпти.

Бугун турнирнинг 3-раунд баҳслари бўлиб ўтди. Унда ҳамюртимиз мезбон спортчи Давид Наваррага қарши дона сурди ва ғалабага эришди.

Ушбу ғалабадан сўнг Нодирбекнинг очколари сони 2,5тага етди ва у айни пайтда турнирда 2-ўринни эгаллаб турибди. Мусобақа пешқадами, эронлик Парҳам Магсдоглуда ҳам 2,5 очко мавжуд.

Эътиборлиси, Абдусатторов мазкур ғалаба орқали рейтинг очкосини 2757га етказиб олди ва дунё рейтингида саккизинчи ўринга кўтарилиб олди. Бу орқали Абдусатторов ўзбек шахматчилари ўртасида ўзи ўрнатган рекордни янада яхшилади.