25 апр 12:58
Янгиликлар
Шахмат
Нодирбек Якуббоев — Freestyle Friday ғолиби!
Ҳафтанинг ҳар жума кунлари дунё шахмат юлдузлари иштирокида онлайн тарзда ўтказиладиган Freestyle Friday турнирининг кечагиси ҳамюртимизнинг ғалабаси билан якунига етди.
Гроссмейстеримиз Нодирбек Якуббоев 11 имкониятдан 10 очко жамғариб, якка пешқадам сифатида турнир ғолибига айланди. Шахматчимиз 400 АҚШ доллари миқдоридаги оз бўлса-да, мукофот пулига эга бўлди. Яна бир гроссмейстеримиз Шамсиддин Воҳидов 7 очко билан қўшимча кўрсаткичларга кўра 13-поғонадан жой олди.
Ҳиндистонлик Пранав 9,5 очко билан иккинчи ўринни банд этган бўлса, 9 очко жамғарган америкалик Ҳанс Мок Ниеманн кучли учликка якун ясади. Дунёнинг учинчи рақамли шахматчиси америкалик Фабиано Каруана 8 очко билан 6-ўриндан жой олди.
Ҳавола :
Манба : olamsport.com
Фикрлар