Ногиронларга ўйин майдончаси қурадиган, ўлган милиция ходимларининг оилаларига кўмак берадиган ҳамда ажойиб севги тарихига эга олийжаноб Дастин Порье

Дастин аёли Жоли билан узоқ мактаб даврида танишган, улар шу вақтдан бери биргалар. Уларнинг гўзал қизлари бор.

Дастин Порье - севги учун идеал вариант. Порьенинг оиласи Жолини 14 ёшидан бери танишади. Дастин севгилисига мактабни битириши билан уйланади. Ўшандан бери улар бирга.

“Усиз мен ҳозиргидек ҳолатда бўлмасдим. У менинг - қоям. Жоли менинг омадим. Мен учун у шахсий қизиқишларидан воз кечган. У учун боримни беришга тайёрман”,-деган эди Дастин аёли ҳақида.

Ёш оила ёлғиз қизлари Ноэли Паркер Порьега ғамхўрлик қилишади. Дастин Хабибга қарши жангидан бир ҳафта аввал Жоли билан турмуш қурганига ўн йил бўлади.

Мана бу эса вақтинчалик чемпионга ҳақиқий куч бериши аниқ. Порье ҳамда Жолининг яна бир муҳим ишлари бор.

Улар «Соғлиқ учун кураш» хайрия фондига эгалик қилишади. Дастиннинг UFCда иштирок этган барча буюмлари сотилади ҳамда барча пул маблағлар шу фондга ўтказилади. Дастин ушбу фондга 2011 йилда асос солган. У Эдди Альваресга қарши жангидан сўнг уйидаги барча UFC анжомларини сотишга қарор қилади ҳамда сотиб юборилган буюмларнинг пулларига 3000 инсонга егулик харид қилади. Шундан буён Порье доимий равишда ҳар бир жангидан сўнг буюмларини сотиб юборади.

«Соғлиқ учун кураш» фондининг асосий йўналишлари:

- Лафайеттедаги ўғриликда жиноятчиларга қарши курашиб вафот этган милиция ходимларининг оила аъзоларига кўмак бериш.

- Лафайеттедаги мактабларга компьютер ҳамда сумкаларни совға сифатида бериш.

- Ногирон болаларга ўйин майдончаларини қуриш билан шуғулланиш.

«Менга бундай бахт берилганидан жуда ҳам хурсандман»,-деди Дастин қилаётган ишлари ҳақида. «Соғлиқ учун кураш» фонди шунингдек оқ қон билан касалланган беморларга ёрдам бериш билан ҳам шуғулланади.