Нокаутлар оқшомига айланган UFC Fight Night 291 турнирининг бонус соҳиблари маълум

UFC Fight Night 291 турнирининг марказий жанги иштирокчиси, канадалик ярим ўрта вазн тоифаси вакили Майк Мэлотт маҳаллий мухлисларни хурсанд қилган ҳолда, иккинчи раундда тизза билан берилган зарба эвазига америкалик Хоакин Баклини муддатидан аввал мағлуб этди. Шу тариқа, у кетма-кет бешинчи ғалабасини қўлга киритди ва йилнинг энг яхши нокаутларидан бирининг муаллифига айланди.

Шунингдек, америкалик Жоэл Фаглиэр ҳамда канадаликлар Мандел Налло ва Марк-Андре Барриолар ўз рақибларини муддатидан аввал таслим этиб, "Кечанинг энг яхши чиқиши" учун 100 000 долларлик бонусларни қўлга киритишди.

Бундан ташқари, ташкилот яна саккиз нафар жангчига муддатидан аввалги ғалабалари учун 25 000 доллардан қўшимча бонус тўлаб беришига тўғри келади, чунки улар ўз жангларини ҳакамлар қарорига қадар етказишмади. Бу рўйхатдан Кристиан Перес, Тимоти Куамба, Таннер Босер, Ник Галанти, Кетлин Чукагян, Стивен Кослоу, Челси Чендлер ва Су Янг Ю жой олишди.