28 сен 11:30
Янгиликлар
Хоккей
"Номад" ва "Ҳумо" жамоаларининг иккинчи ўйинида йирик ҳисоб қайд этилди
Тошкентнинг "Ҳумо" хоккей клуби Қозоғистон Мунтазам чемпионати доирасида навбатдаги учрашувини ўтказди.
"Қанотлилар" кеча Остона шаҳрида "Номад" клубига қарши иккинчи ўйинда музга чиқишди. Илк учрашувнинг овертаймида Павел Синявский томонидан киритилган шайба "Ҳумо"га ғалаба келтирганди.
Афсуски, Дмитрий Катаев шогирдлари кеча ўтказилган иккинчи ўйинда "Номад"га йирик 1:5 ҳисобида имкониятни бой беришди. "Ҳумо"нинг ягона жавоб шайбасига Егор Буяльский муаллифлик қилди. Мезбон жамоа сафида Никита Колобов ва Андрей Рунов дублга эришишди.
Энди "Ҳумо" жамоаси уй учрашувларига тайёргарликни бошлайди. Жамоамиз 6-7 октябрь кунлари "Алмати", 12-13 октябрь кунлари эса "Сариарка" клубига қарши "Ҳумо Арена"да музга чиқишади.
Ҳавола :
Манба : olamsport.com
Фикрлар