06 июл 16:20
Янгиликлар

Теннис

Новак Жокович 43-бор "Улкан Тож" турнири ярим финалига чиқди

Сайёрамизнинг 3-ракеткаси Новак Жокович "Уимблдон"нинг чорак финалида Янник Синнерни мағлуб этди (5/7, 2/6, 6/3, 6/2, 6/2).

Сербиялик теннисчи ўз фаолиятида еттинчи марта 0:2 ҳисобида ютқазаётиб, якунда ғалаба қозонди. Умуман олганда, унинг беш сетдан иборат ўйинларидаги мувозанати 37:10 ни ташкил қилади.

Жокович 43-бор "Катта Дубулға" турнирининг 1/2 финалига чиқди. Бу кўрсаткич бўйича у фақат Рожер Федерердан ортда қолмоқда. Федерер 46 бор "Улкан Тож" турнирлари ярим финалига чиққан. Шунингдек, "Уимблдон"нинг олти карра чемпиони Новак Жокович 11-бор ушбу турнирнинг ярим финалга чиқди.

Новак Жокович деярли беш йилдан бери "Уимблдон"да мағлуб бўлмаяпти. Унинг кетма-кет 26 та ғалабаси бор – фақатгина Пит Сампрас (31), Рожер Федерер (40) ва Бьорн Борг (41) бу турнирда узоқроқ серияларга эга. Умуман олганда, Лондонда у 84 марта ғалаба қозонган, фақат Федерер ундан кўпроқ кўрсаткични қайд этган - 105.