21 ноя 09:20
Янгиликлар
Теннис
Новак Жокович - АТР Якуний турнири чемпиони!
Италиянинг Турин шаҳрида бўлиб ўтган АТР Якуний турнири ўз ниҳоясига етди.
Турнир финалида сербиялик Новак Жокович ва норвегиялик Каспер Рууд чемпионлик учун баҳс олиб борди.
1 соату 32 дақиқа давом этган учрашувда Новак рақибини 7/5, 6/3 ҳисобида мағлуб этиб, бош совринни қўлга киритди. Бу билан Жокович 6-бор АТР Якуний турнири чемпионига айланди ва бу борада Рожер Федерерга етиб олди.
Бундан ташқари 35 ёшли сербиялик теннисчи турнир тарихидаги энг кекса чемпионга ҳам айланди. У Федерернинг рекордини 5 йилга янгилади.
Турнирдаги ғалаба учун Жокович 1500 рейтинг очкоси ва 4 740 300 доллар мукофот пулига эга бўлади.
Ҳавола :
Манба : olamsport.com
Фикрлар