Новак Жокович Италиядаги "Челленжер"га таклиф этилди. Аммо, АТР қоидаларига кўра теннисчи унда иштирок эта олмайди

Мусобақалар 27 мартдан 2 апрелгача Жокович АҚШга кириш тақиқланганлиги сабабли ўтказиб юбориши мумкин бўлган Майамидаги "Мастерс" турнирининг иккинчи ҳафтасида бўлиб ўтади. Аввалроқ, мураббий Горан Иванишевич шогирди ҳали ҳам Майами очиқ чемпионатидан чиқмаганини, аммо вазият ўзгармаса Монте-Карлодаги Мастерс турнирида (9-16 апрель кунлари бўлиб ўтади) иштирок этишни режалаштираётганини таъкидлаганди.

Сан-Ремо Теннис клуби #NoleComeToSanremo хэштеги остида: "Кубогингиз ҳали ҳам бизда. Биз сизни кутамиз, уни сизга топширмоқчимиз ва сизни яна кортларимизда кўришга умид қиламиз" - дея ижтимоий тармоқларда пост қолдирди.

Жокович 2005 йил май ойида Сан-Ремода  "Челленжер" ғолиби бўлган.

Бироқ, АТР қоидаларига кўра "Катта Дубулға"нинг 22 карра чемпиони Италиядаги "Челленжер" мусобақаларида иштирок эта олмайди.